ზუგდიდში, თხილის პლანტაციაში, მუშა გარდაიცვალა

22-08-2018

ზუგდიდში,სოფელ ჭითაწყარში 67 წლის მუშა გარდაიცვალა. გარდაცვლილის დის, ასმათ ბაკარაძის თქმით, მის ძმას თხილის პლანტაციაში მუშაობის დროს ტრაქტორი დაეჯახა და დაიღუპა. 

"ოც წუთიანი შესვენება იყო, მამაკაცები წავიდნენ, ამას კი თავისი ურიკა მიჰქონდა იქ, სადაც თხილის დასაყრელი იყო. იმ ტერიტორიაზე ტრაქტორები უკონტროლოდ დარბიან. ერთ-ერთი ტრაქტორი ამ დროს დაეჯახა,"-განაცხადა გარდაცვლილის დამ. 

მომხდართან დაკავშირებით მიმდინარეობს გამოძიება.