პოსტივის ინფორმაციით, ჟორიკა რურუა თავის პარტნიორებს სხვადასხვა ფორმით აშანტაჟებს

8-07-2023

ტელეკომპანია პოსტვ-ის მიერ მოპოვებული ექსკლუზიური ინფორმაციით, ჟორიკა რურუა, თავის პარტნიორებს სხვადასხვა ფორმით აშანტაჟებს.

მწვავე დაპირისპირება მეწილეებს შორის „ლისი ვანდერლენდი- ს" ტერიტორიაზე „პრაიდ-კვირეული-ს" ფარგლებში დაგეგმილი „პრაიდ-ფესტივალი-ს" გამო წარმოიშვა.

მოპოვებული ინფორმაციით ირკვევა, რომ ერთადერთი ადამიანი, ვინც პირდაპირ ლობირებს და ითხოვს, რომ არ ჩაიშალოს „ლისი ვანდერლენდი- ს" ტერიტორიაზე „პრაიდ-კვირეული-ს" დასკვნითი ღონისძიება, ნაციონალური მოძრაობის ერთ-ერთი ლიდერი ჟორიკა რურუაა. ამასთან, აღსანიშნავია, რომ ის ღონისძიების გამართვაში პარტიის სხვა ლიდერების დავალებით პირდაპირ არის ჩართული. როგორც პოსტვ-ის განუცხადეს, ტერიტორიის დანარჩენი მეწილეები მიიჩნევენ, რომ ღონისძიება დაკავშირებულია მრავალ რისკთან, შესაბამისად არ სურთ პრაიდის გამართვა. ამის საპირისპიროდ, ჟორიკა რურუა მათ სხვადასხვა ფორმით აშანტაჟებს და ემუქრება.