ზუგდიდში გარემოვაჭრე ფართომასშტაბიან აქციებს აანონსებს

31-08-2018

ზუგდიდში გარემოვაჭრე, მარინა ფარულავა, ზუგდიდის მერიის წინააღმდეგ საპროტესტო აქციებს აანონსებს.

"ადმინისტრაციული წესით დამაკავეს, დავიწყებ ფართომასშტაბიან აქციებს, "-განაცხადა ფარულავამ.

თვითმხილველების განცხადებით, პოლიციამ მარინა ფარულავას გარევაჭრობის შეწყვეტისკენ მოუწოდა, რასაც ის არ დაემორჩილა. მათივე თქმით, პოლიციელებმა დაკავებისას ძალას გადაამეტეს. 

"პოლიციელები იყვნენ მოსულები, რომლებმაც უთხრეს ფარულავას, რომ ის გაფრთხილებული იყო, არ ევაჭრა. სამართალდამცველებმა ქალს თმაზე ხელი მოჰკიდეს და მანქანაში ისე შეიყვანეს,"-განაცხადა ერთ-ერთმა თვითმხილვევლმა.

გარემოვაჭრე ადმინისტრაციული წესის დარღვევისთვის 30 აგვისტოს დააკავეს. დაკითხვის დროს ქალმა თვითდაზიანებები მიიყენა. 
ზუგდიდში გარევაჭრობა იანვარში აიკრძალა.