„ქართული ოცნების“ კონფერენციებზე ზესტაფონს, თერჯოლისა და ტყიბულის ადგილობრივი ორგანიზაციების თავმჯდომარეები და ბიუროს წევრები აირჩიეს

24-10-2023

„ქართული ოცნება“ რეგიონებში პარტიულ კონფერენციებს განაგრძობს. ზესტაფონში, თერჯოლასა და ტყიბულში დღეს გამართულ კონფერენციებზე ადგილობრივი ორგანიზაციების თავმჯდომარეები და ბიუროს წევრები აირჩიეს.

• „ქართული ოცნების“ ზესტაფონის ორგანიზაციას ზესტაფონის მუნიციპალიტეტის მერი ვასილ გველესიანი უხელმძღვანელებს;
• თერჯოლის ორგანიზაციას - თერჯოლის მუნიციპალიტეტის მერი, მანუჩარ რობაქიძე;
• ტყიბულის ორგანიზაციას - ტყიბულის მუნიციპალიტეტის მერი დავით ჩერქეზიშვილი.

იმერეთის მხარეში პარტიული კონფერენციები 25 და 26 ოქტომბერსაც ჩატარდება. ხვალ კონფერენციები სამტრედიაში, ხონსა და წყალტუბოში გაიმართება.