სამართლიანად ჩატარდა თუ არა არჩევნები
წალენჯიხაში გზის რეაბილიტაცია მიმდინარეობს
19-09-2018
საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდი, წალენჯიხის მუნიციპალიტეტში, წალენჯიხა-ნაკიფუ-ლეწურწუმე-ჩხოროწყუს გზის რეაბილიტაციას ახორციელებს.
სარეაბილიტაციო სამუშაოები ადგილზე მუნიციპალური განვითარების ფონდის აღმასრულებელმა დირექტორმა გიორგი შენგელიამ, ადგილობრივი ხელისუფლების წარმომადგენლებთან ერთად დაათვალიერა.
წალენჯიხა-ნაკიფუ-ლეწურწუმე-ჩხოროწყუს გზის სარეაბილიტაციო სამუშაოები ორ ეტაპად გაიყო. პირველი ეტაპის ფარგლებში, 9.5 კილომეტრიანი გზის რეაბილიტაცია უკვე დასრულდა, ხოლო მეორე ეტაპი დარჩენილი 3 კილომეტრიანი გზის რეაბილიტაციას და ახალი, 24 მეტრიანი, რკინა-ბეტონის ხიდის მოწყობას ითვალისწინებს.
პროექტი ევროპის საინვესტიციო ბანკის დაფინანსებით ხორციელდება და მისი ღირებულება 2 მილიონ ლარს სცდება.
