გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    ივლისი 2024    »
1234567
891011121314
15161718192021
22232425262728
293031 

ონის მერმა სოფელ სორში არსებული ადრეული და სკოლამდელი აღზრდისა და განათლების ცენტრი მოინახულა

1-03-2024

ონის მუნიციპალიტეტის მერმა - სერგი ხიდეშელმა, სოფელ სორში არსებული ადრეული და სკოლამდელი აღზრდისა და განათლების ცენტრი მოინახულა.

 

სერგი ხიდეშელი გაეცნო ჯგუფების სასწავლო გარემოს, აღსაზრდელებს დამატებით საჭირო ინვენტარი და სასწავლო დიდაქტიკური მასალები გადასცა.

 

შეხვედრაზე ადგილობრივი ხელისუფლების წარმომადგენლებმა ცენტრის აღმზრდელთან ერთად, მნიშვნელოვან თემებზე და საჭიროებებზე ისაუბრეს.

 

საქართველოს კანონმა „ადრეული და სკოლამდელი აღზრდისა და განათლების შესახებ“ განსაზღვრა მუნიციპალიტეტის უფლებამოსილებები და ვალდებულებები სკოლამდელი აღზრდისა და განათლების მიმართულებით.

 

ამ დროისთვის, აღნიშნული ცენტრები მუნიციპალიტეტის კიდევ ოთხ ადმინისტრაციულ ერთეულში უწერაში, ჭიორაში, წედისსა და ჟაშქვაში გაიხსნა, 5-6 წლიანი ასაკის ბავშვებს შესაძლებლობა აქვთ მიიღონ სახელმწიფო სტანდარტების შესაბამისი, ადრეული და სკოლამდელი განათლება.

 

შეგახსენებთ, რომ სკოლამდელ განათლებაზე ხელმისაწვდომობის გაზრდის მიზნით, საპილოტე რეჟიმში ონის მუნიციპალიტეტი ახორციელებს სკოლამდელი განათლების მიწოდებას ალტერნატიული მოდელების ფორმით, თითოეული ბავშვისთვის განათლების უფლების უზრუნველსაყოფად.

 

შეხვედრაზე მუნიციპალიტეტის მერთან ერთად იმყოფებოდნენ საკრებულოს თავმჯდომარე ბაჩანა მარკოიშვილი, მერის მოადგილე ლევან შერაზადიშვილი, განათლების, კულტურის, სპორტის, ახალგაზრდობის საქმეთა, ბავშვის უფლებების დაცვისა და მხარდაჭერის სამსახურის ხელმძღვანელი - მანანა ჩაგელიშვილი.