3-10-2018
ელინური პერიოდის, ზენითის ქვის უნიკალური საწნახელი, რომელიც ქობულეთში მდებარეობს, ერთადერთი ძეგლია, რომელიც სამხრეთ - დასავლეთ საქართველოში ვაზისა და ღვინის დამზადების უძველეს ტრადიციას ინახავს.
საწნახელი ძველი წელთაღრიცხვის მესამე საუკუნით თარიღდება. ადგილობრივების თქმით, საწნახელზე ნაპრალები ფართოვდება.
ისტორიკოსების თქმით, ისტორიული ძეგლი განადგურების პირასაა. მისი განადგურება მეწყრულმა პროცესებმა და ადამიანების გულგრილობამ გამოიწვია.
ქობულეთის მუნიციპალიტეტის სოფელ ზენითის მოსახლეობა უნიკალური ქვის კონსერვაციას ითხოვს.
აჭარის კულტურული მემკვიდრეობის სააგენტო კულტურული მემკვიდრეობის ძეგლის კონსერვაციას გასულ წელს გეგმავდა, თუმცა ამ დრომდე ვერ მოახერხა.
სააგენტოში აცხადებენ, რომ სპეციალისტები ძეგლს ისევ შეამოწმებენ და ტექნიკური დოკუმენტი მომზადდება.