ლანჩხუთის მერმა სამედიცინო სფეროს წარმომადგენელ ქალბატონებს 8 მარტი მიულოცა

8-03-2024

ლანჩხუთის მუნიციპალიტეტის მერმა, ალექსანდრე სარიშვილმა მოადგილე თორნიკე ტიკაძესთან  და საკრებულოს თავმჯდომარე ბესიკ ტაბიძესთან ერთად სამედიცინო სფეროს წარმომადგენლებს პირადად მიულოცა ქალთა საერთაშორისო დღე -  8 მარტი და ყვავილები გადასცა.

"უდიდესი პატივისცემით გილოცავთ ქალთა საერთაშორისო დღეს. გისურვებთ ჯანმრთელობას და ბედნიერებას. თქვენ ჩვენი სიცოცხლის სადარაჯოზე დგახართ. წარმატებები როგორც პირად, ასევე საზოგადოებრივ საქმიანობაში" განაცხადა ალექსანდრე სარიშვილმა.