დავით ქართველიშვილი ოპოზიციაზე: ვერ გადაუწყვიტავთ, რომელი შიში გადაწონის მათში - ლგბტ პროპაგანდისაგან თავის შეკავებით სპონსორებისაგან ფულის გარეშე დარჩენა, თუ ქართველი ხალხისგან გარდაუვალი პასუხისგების შიში

14-03-2024

ჯერ ვერ გადაუწყვეტიათ, რომელი შიში გადაწონის მათში - ლგბტ პროპაგანდისაგან თავის შეკავებით საკუთარი სპონსორებისაგან დამატებითი ფულის გარეშე დარჩენის თუ ქართველი ხალხისგან გარდაუვალი პასუხისგების შიში. ამას კი უახლოეს მომავალში დავინახავთ, - ასე ეხმიანება „ხალხის ძალის“ წევრი დავით ქართველიშვილი, საპარლამენტო უმრავლესობის ლიდერის, მამუკა მდინარაძის განცხადებას, რომლის თქმითაც ოპოზიცია ლგბტ პროპაგანდის აკრძალვის ინიციატივაზე პოზიციას არ აფიქსირებს, რადგან გარეთ მათი პატრონების ეშინიათ და შიგნით ქართველი ხალხის.

ქართველიშვილის თქმით, ერთადერთი მიზეზი, რის გამოც ლგბტ-მემორანდუმის ხელმომწერი პოლიტიკოსები ღიად აფიქსირებენ საკუთარ პოზიციას, იგივე "პრაიდ-კვირეულებს" მიმართ, არის ის, რომ ამაში საერთაშორისო ფონდებიდან აღებულია ფული, რომელიც მათ პარტიულ და "ენჯეო" ყულაბებში ილექება.

„ეს რეალურადაა ქვეყნის ე.წ. ოპოზიციის "აქილევსის ქუსლი" - ისინი საკუთარ წიაღშიც კი ვერ ბედავენ ლგბტ თემთან თავის პირად მიკუთვნილობაზე ღიად საუბარს. ვისაც წლებია ამით აშანტაჟებენ სააკაშვილის დავალებით გადაღებული პირადი ცხოვრების ამსახველი ფარული კადრებით. ვერ ბედავენ საკუთარი შვილების "გენდერული არჩევანის" შესახებ ღია საუბარს.

ერთადერთი მიზეზი, რის გარშემო ლგბტ-მემორანდუმის ხელმომწერი პოლიტიკოსები ღიად აფიქსირებენ საკუთარ პოზიციას იგივე "პრაიდ-კვირეულებს" მიმართ - ამაში აღებული ფულია, რომელიც ილექება მათ პარტიულ და "ენჯეო" ყულაბებში საერთაშორისო ფონდებიდან. ფული, რომელსაც ჩრდილოეთიდან შემოსული რუბლების მსგავსად ასევე არ გააჩნია სუნი - ერთადერთი მნიშვნელოვანი განსხვავებით: რუსეთისთვის სამშობლოს, ქვეყნის სტრატეგიული ობიექტების გაყიდვის გამო ნაცსექტას შიშის გრძნობა სინდისთან ერთად დაკარგული აქვთ.

მაგრამ ტრადიციულ, პატრიარქალურ, მართლმადიდებლურ გარემოში - საქართველოსთვის ახალი, "პროგრესული", ლგბტ "ფასეულობებზე" აგებული აწმყოსა და მომავლის ქადაგება ქართველი ხალხის წინაშე ფიზიკურ შიშთან არის დაკავშირებული. და მათ ჯერ ვერ გადაუწყვეტიათ, რომელი შიში გადაწონის მათში - ლგბტ პროპაგანდისაგან თავის შეკავებით საკუთარი სპონსორებისაგან დამატებითი ფულის გარეშე დარჩენის თუ ქართველი ხალხისგან გარდაუვალი პასუხისგების შიში. ამას კი უახლოეს მომავალში დავინახავთ“, - წერს ქართველიშვილი სოციალურ ქსელში.