"ბორჯომი" შესაძლოა Nestle-მ ან Coca-Cola-მ იყიდოს

4-10-2018

ქართული მინერელური წყალი "ბორჯომის" შესაძენად მოლაპარაკებას Nestle და Coca-Cola აწარმოებენ.

საინფორმაციო პორტალ region.ge-ს ინფორმაციით, „ალფა-ჯგუფი“, რომელმაც 2013 წელს ბორის ბერეზოვსკის ფონდიდან და ბადრი პატარკაციშვილის მემკვიდრეებიდან მინერალური წყლის მწარმოებელი ერთ-ერთი უდიდესი კომპანია IDS Borjomi იყიდა, დღეს მზადაა ამ ბიზნესს დაემშვიდობოს.

როგორც რუსული გაზეთის, «КоммерсантЪ»-ისთვის გახდა ცნობილი, „ბორჯომის“ მიმართ ინტერესს ამჟღავნებს Coca-Cola, თუმცა ყველაზე რეალური მყიდველი შეიძლება Nestle გახდეს. ექსპერტების აზრით, გარიგება დაახლოებით 630 მილიონი დოლარი დაჯდება.