სამართლიანად ჩატარდა თუ არა არჩევნები
ყვარელში მოსახლეობა საძოვრის გასხვისებას აპროტესტებს
9-10-2018
ყვარლის მუნიციპალიტეტის სოფელ ჩანთლისყურში ხმაური იყო. მოსახლეობა 35 ჰექტარი სახნავ-სათესი მიწის გასხვისებას აპრიტესტებს, რომელიც სოფლის საკუთრებაში იყო და მოსახლეობა საძოვრადაც იყენებდა, თუმცა ახლა გაიგეს რომ უცხო პირზე გაიყიდა.
აქციაზე ნაციონალური მოძრაობის რეგიონული ორგანიზაციის ხელმძღვანელის გიორგი ბოტკოველის მისვლას ხმაური და სიტყვიერი დაპირისპირება მოჰყვა.
ბოტკოველს აქციის მონაწილეებმა მათი ხელისუფლების პერიოდში მიწების მასიური გაყიდვის შემთხვევები გაახსენეს.
აქციის მონაწილეების განცხადებით, ტერიტორია ნაციონალური მოძრაობის მხარდამჭერმა თამაზ მანძულაშვილმა შეისყიდა.
აქციის მონაწილეებს შეხვდა ყვარლის მერი. როსტომ სესიაშვილმა ეს ტერიტორიის ფიზიკურ პირზე გასხვისება დაადასტურა და განაცხადა , რომ საქმის შესწავლა მერიამ უკვე დაიწყო.
"რა ფორმით და როგორ გახსვიდა მიწები ამას მერიის შესაბამისი ორგანები უკვე იკვლევენ და ამის შესახებ ზუსტი ინფორმაცია მოგვიანებით გახდება ცნობილი" - თქვა ყვარლის მერმა.
ადგილობრივები ხელისუფლებას მიმართავენ და ტერიტორიის მოსახლეობაზე განაწილებას ითხოვენ. წინაღმდეგ შემთხვევაში აქციების გაგრძელებით იმუქრებიან.
