გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    ივლისი 2024    »
1234567
891011121314
15161718192021
22232425262728
293031 

შოვში დაღუპულთა პატივსაცემად, მემორიალის აღმართვასთან დაკავშირებით, კონკურსი გამოცხადდა

2-05-2024

საკონკურსო წინადადებების პირველი ეტაპის მიღება-რეგისტრაცია ხორციელდება შემდეგ მისამართზე - ქალაქი ონი, დ. აღმაშენებლის ქ. №40. ან ელექტრონულ მისამართზე - onismeria@gmail.com


უწყების ცნობით, კონკურსის მიზანია ონის მუნიციპალიტეტის კურორტ შოვში, 2023 წლის 3 აგვისტოს ტრაგედიის დროს დაღუპულთა ხსოვნის უკვდავსაყოფად, მემორიალის განთავსება.


საკონკურსო მასალების შეფასებასა და გამარჯვებულის გამოვლენას მოახდენს ონის მუნიციპალიტეტის მერიაში შექმნილი კომისია, რომლის შემადგენლობაშიც არიან დარგის სპეციალისტები და გარდაცვლილთა ოჯახის წევრები.


კომისიის გადაწყვეტილებით საპროექტო ტერიტორია განსაზღვრულია კურორტ შოვში ე.წ. „რკინის წყლის“ მიმდებარედ, სადაც სამომავლოდ იგეგმება ეკლესიის მშენებლობა. შესაბამისად, მემორიალი უნდა პასუხობდეს, როგორც გარემო პირობებს, ასევე კონცეპტუალურად თანხვედრაში უნდა იყოს ტაძართან და თემატურად პასუხობდეს საპროექტო იდეას.


კონკურსის ამოცანაა, საზოგადოებრივი და პროფესიული ინტერესების გათვალისწინებით, ღია შეჯიბრების პრინციპზე დაყრდნობით, მემორიალის საუკეთესო ესკიზური ნამუშევრისა და მის განსახორციელებლად ოპტიმალური სახარჯთაღრიცხვო წინადადების გამოვლენა.


კონკურსით დაინტერესებულ პირებს მოგიწოდებთ აქტიურობისკენ, წარმოადგინეთ იდეები და ერთად შევარჩიოთ საუკეთესო წინადადება, რომლის საფუძველზეც დამზადდება მემორიალი, ეს იქნება მოკრძალებული პატივისცემა ჩვენი გარდაცვლილი მოქალაქეების მიმართ.


რაჭა-ლეჩხუმ- ქვემო სვანეთის სახელმწიფო რწმუნებულმა -პაპუნა მარგველიძემ, კურორტ შოვში მემორიალის განთავსების ადგილი, მსოფლიო ბანკის ექსპერტ-გეოლოგთან, გარემოს ეროვნული სააგენტოს გეოლოგიის დეპარტამენტის უფროსის მოადგილესთან და ონის მუნიციპალიტეტის მერთან- სერგი ხიდეშელთან ერთად, ადგილზე, მოინახულა.