ირაკლი კობახიძე: ადამიანის უფლებები უნდა იყოს დაცული ძალიან მკაცრად და მკაფიოდ, თუმცა პროპაგანდა ჩვენთვის მიუღებელია

11-06-2024

ადამიანის უფლებები უნდა იყოს დაცული ძალიან მკაცრად და მკაფიოდ, თუმცა პროპაგანდა ჩვენთვის მიუღებელია, - ამის შესახებ საქართველოს პრემიერ-მინისტრმა ირაკლი კობახიძემ ლგბტ პროპაგანდის წინააღმდეგ მიმართულ კანონპროექტზე ჟურნალისტის მიერ დასმული კითხვის საპასუხოდ განაცხადა.

პრემიერის შეფასებით, მმართველი გუნდი არ ელოდა განსხვავებულ მიდგომას ოპოზიციისგან, რომელმაც განაცხადა, რომ კანონპროექტის განხილვაში არ მიიღებს მონაწილეობას.

მთავრობის მეთაურმა აღნიშნა, რომ ვინც მხარს არ უჭერს კანონპროექტს პროპაგანდის წინააღმდეგ, ის ავტომატურად მხარს უჭერს პროპაგანდას, რაც არასწორია.

„საზოგადოება ამას ხედავს და თავის დასკვნებს გამოიტანს, ბუნებრივია, ამასთან დაკავშირებით, თუ როგორ მოქმედებს ამ საკითხთან მიმართებით ოპოზიცია. ეს ყველაფერი გამოჩნდება, მათ შორის, 26 ოქტომბრის საპარლამენტო არჩევნებზე", - განაცხადა ირაკლი კობახიძემ.