25 სექტემბერი ეროვნული გვარდიის კასპის ბატალიონის პირველი მეთაურის, კასპის მუნიციპალიტეტის ყოფილი გამგებლის ტარიელ შარიფაშვილის გარდაცვალების დღეა.

კასპის მუნიციპალიტეტის ადგილობრივი თვითმმართველობის ხელმძღვანელები, ვეტერანების საქმეთა სახელმწიფო სამსახურის წარმომადგენლები, რეგიონული მართვის დეპარტამენტის შიდა ქართლის სამმართველოს თანამშრომლები, თანამებრძოლები, ყოფილი გვარდიელები და თანასოფლელები მის მშობლიურ სოფელ ზემო ხანდაკში მისივე სახელობის სკვერში შეიკრიბნენ და მის ხსოვნას პატივი მიაგეს.

ღონისძიებაზე იმყოფებოდა ტარიელ შარიფაშვილის ქალიშვილი თამარ შარიფაშვილი.

გმირის საბრძოლო ეპიზოდები გაიხსენა თანამებრძოლმა, საქართველოს ვეტერანების საქმეთა სახელმწიფო სამსახურის წარმომადგენელმა კასპის მუნიციპალიტეტში ლავრენტი ბაიდაურმა.

ტარიელ შარიფაშვილის გარდაცვალებიდან 31 წელი გავიდა, ის 1993 წლის 25 სექტემბერს, სოხუმის დაცვისას აფხაზეთში გმირულად დაიღუპა.