კასპში არმირებული ცემენტ/ბეტონის გზის მოწყობის სამუშაო მიმდინარეობს

21-10-2024

კასპის მუნიციპალიტეტის სოფელ წინარეხში არმირებული ცემენტ/ბეტონის გზის მოწყობის სამუშაო მიმდინარეობს.

უწყების ინფორმაცით, რთული რელიეფის მქონე გზაზე ამჟამად ბეტონის საფარი იგება, დასრულების შემდეგ კი ანაკრები რკინა ბეტონის კიუვეტები მოეწყობა.
გზის მოწყობის სამუშაო რეგიონის განვითარების ფონდის და ადგილობრივი ბიუჯეტის დაფინანსებით ხორციელდება.

პროექტის დასრულება, რომელსაც შპს „ბესკო“ აწარმოებს უზრუნველყოფს ადგილობრივების კომფორტულ გადაადგილებას.