ხობში ავტოსაგზაო შემთხვევის შედეგად ერთი პირი გარდაიცვალა

12-11-2018

ხობში გადაჭარბებული სიჩქარით მოძრავი „ჰონდას“ მარკის ავტომობილის მძღოლმა, რომელიც მანქანას, სავარაუდოდ, არაფხიზელ მდგომარეობაში მართავდა, საჭე ვერ დაიმორჩილა, სავალი ნაწილიდან გადავიდა და ხეს შეეჯახა. კაცი ადგილზე გარდაიცვალა.

შინაგან საქმეთა სამინისტროში განმარტავენ, რომ მომხდარზე გამოძიება საქართველოს სისხლის სამართლის კოდექსის 276-ე მუხლის მე-5 ნაწილით მიმდინარეობს, რაც მოძრაობის წესების დარღვევას გულისხმობს, რამაც ადამიანის სიცოცხლის მოსპობა გამოიწვია.

imedinews.ge