სამართლიანად ჩატარდა თუ არა არჩევნები
ლიკანისა და წაღვერის წყალმომარაგების სისტემების რეაბილიტაცია დეკემბერში სრულდება
14-11-2018
საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდი ლიკანისა და წაღვერის წყალმომარაგების სისტემების რეაბილიტაციას ახორციელებს. პროექტი ევროპის საინვესტიციო ბანკის დაფინანსებით ხორციელდება და მისი ღირებულება დაახლოებით 2 მილიონი ლარია. სარეაბილიტაციო სამუშაოების მიმდინარეობას მუნიციპალური განვითარების ფონდის აღმასრულებელი დირექტორი გიორგი შენგელია ადგილზე გაეცნო.
პროექტი ითვალისწინებს 500მ3 რეზერვუარის, მაგისტრალური მილსადენის და გამანაწილებელი ქსელის რეაბილიტაციას. ასევე, გათვალისწინებულია არჯევანიძის ტერიტორიაზე ახალი რეზერვუარის მოწყობა.
ლიკანისა და წაღვერის წყალმომარაგების სისტემების რეაბილიტაცია მიმდინარე წლის დეკემბერში სრულდება. აღნიშნული პროექტის დასრულების შემდეგ, დაგეგმილია, შემდეგი ეტაპის განხორციელება, რაც ითვალისწინებს წაღვერის გამწმენდი და სათავე ნაგებობების მშენებლობას.
