სახელმწიფო აუდიტის მასალებში მითითებულია, რომ გურჯაანის გამგეობისა და საკრებულოს ბალანსზე ირიცხება 9 ერთეული სამსახურებრივი ავტომანქანა, თუმცა საქართველოს მთავრობის დადგენილებით რეკომენდებული იყო არაუმეტეს 7 ავტომანქანა. 

იმავე დასკვნის თანახმად, თანამდებობის პირებისთვის გამოყოფილი საწვავის ლიმიტები არასწორად განისაზღვრებოდა გამგებლისა და საკრებულოს თავმჯდომარის ბრძანებებით. კანონმდებლობის შესაბამისად, ლიმიტების დადგენა მხოლოდ საკრებულოს ნორმატიული აქტით - დადგენილებით უნდა მომხდარიყო. 

საინფორმაციო ცენტრების ქსელი წერდა, რომ, 2015 წლის 1 იანვრიდან 2016 წლის 1 დეკემბრამდე პერიოდში, კახეთის რეგიონში შემავალი მუნიციპალიტეტების თანამდებობის პირების ავტომანქანებით მომსახურებაზე ადგილობრივი ბიუჯეტიდან 1 992 932 ლარი დაიხარჯა. მათ შორის, საწვავის შესაძენად - 1 506 929 ლარი, ხოლო ავტომანქანების შეკეთებისთვის - 486 003 ლარი.

წყარო: reginfo.ge