სალომე ზურაბიშვილს აშშ-ს სახელმწიფო მდივანმა გამარჯვება მიულოცა

30-11-2018

საქართველოს საპრეზიდენტო არჩევნებში გამარჯვებული კანდიდატი, სალომე ზურაბიშვილი საქართველოში აშშ-ის ელჩის მოვალეობის შემსრულებელს, როს უილსონს შეხვდა.

ელჩის მოვალეობის შემსრულებელმა სალომე ზურაბიშვილს სახელმწიფო მდივნის სახელით მილოცვა გადასცა და აღნიშნა, რომ საქართველოს და ამერიკის შეერთებული შტატების ურთიერთობა უნდა გაღრმავდეს და გაძლიერდეს ქვეყნის დასახული მიზნების მისაღწევად.