გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    მაი 2019    »
 12345
6789101112
13141516171819
20212223242526
2728293031 

დედოფლისწყაროელმა არსენ ყარაგვეზაშვილმა მსოფლიო თასზე ოქროს მედალი მოიპოვა

18-12-2017

16-17 დეკემბერს თურქეთის ქალაქ სტამბოლში გამართულ შერეული ორთაბრძოლების მსოფლიო თასზე არსენ ყარაგვეზაშვილი მსოფლიო თასის გამარჯვებული გახდა. ოქროს მედლისთვის ბრძოლაში დედოფლისწყაროელმა სპორტსმენმა თურქი მეტოქე ემილჰან ქალჰანი ნოკაუტით დაამარცხა.

„მსოფლიო თასზე მიწვეული ვიყავი, როგორც პროფესიონალი მებრძოლი, ჩემთვის მნიშვნელოვანი იყო, რადგან ამ სახეობაში პირველად მოვსინჯე საკუთარი შესაძლებლობები. მინდოდა შერეულ ორთაბრძოლებშიც მიმეღო მონაწილეობა. ამჯერად შევხვდი თურქ მებრძოლს და გამიმართლა. აშკარა უპირატესობით ნოკაუტი დავაფიქსირე, “ - აღნიშნა გამარჯვებულმა მებრძოლმა.

არსენ ყარაგვეზაშვილის მწვრთნელის, თამაზ ყარაგვეზაშვილის თქმით, სპორტსმენი ორთაბრძოლების ამ სახეობაში საქართველოდან WTO ვერსიით პირველი ჩემპიონია.

არსენ ყარაგვეზაშვილი 2014 წლიდან მსოფლიო ჩემპიონია კიკბოქსინგში, ასევე ფლობს პროფესიონალურ ქამარს ტაილანდურ კრივ K1-ში.

წყარო: reginfo.ge

http://www.reginfo.ge/sport/item/4253-dedoplisxybaroelma-arsen-ybaragvezashvilma-msoplio-tasze-oqros-medali-moipova