გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    ოქტომბერი 2019    »
 123456
78910111213
14151617181920
21222324252627
28293031 

სოზარ სუბარი სოფელი უდაბნოს მაცხოვრებლებს: ესაა ადგილი, სადაც ჩემი ცხოვრების უმნიშვნელოვანესი პერიოდი მაქვს გატარებული

13-02-2019

ყოველთვის ძალიან მიხარია აქ ჩამოსვლა. ესაა ადგილი, სადაც ჩემი ცხოვრების უმნიშვნელოვანესი პერიოდი მაქვს გატარებული, - აქედან რამდენიმე კილომეტრში, დავითგარეჯში. კარგად მახსოვს, როცა აქ ცხოვრება იწყებოდა, როგორ იჭრებოდა თითოეული საძირკველი ამ სოფელში, - ასე მიმართა პრემიერ-მინისტრის მრჩეველმა რეგიონული განვითარების საკითხებში სოზარ სუბარმა სოფელი უდაბნოს მაცხოვრებლებს საზოგადოებრივი ცენტრის გახსნის ცერემონიაზე სიტყვით გამოსვლისას.


„კარგად მახსოვს, როგორ ეკურთხა დავითგარეჯში მონასტერი და მონაწილე ვიყავი, როდესაც 70-წლიანი, კომუნისტური წყობის შემდეგ, მონასტერი პირველად აღდგა და პირველად დაიწყო სამონასტრო ცხოვრება. კარად მახსოვს ის პერიოდიც, როცა 6 000 წმინდა მოწამის საძვალე გადმოვასვენეთ და მათი დაბრძანება მოხდა ლავრაში. კარგად მახსოვს, როგორ ხდებოდა ამ ერთი შეხედვით, ჩვეულებრივი ქართული სოფლის ტრანსფორმაცია და როგორ გახდა ამ სოფლის თითოეული მაცხოვრებელი, ერთგვარად, მისიონერივით, როცა საკუთარ თავზე იტვირთეს მისია, გახდნენ გარეჯის, საქართველოსა და საზღვრის მცველები.

კავშირი დავითგარეჯსა და ამ სოფელს შორის დღემდე არსებობს. ეს ხილული კავშირიცაა, რადგან ბევრი აქაური ახალგაზრდა წავიდა იქ სამოღვაწოდ და თავისი ლოცვით აძლიერებენ დღეს ჩვენს სამშობლოს.


მინდა, რომ მადლი, რომელიც დავითგარეჯიდან მოდის, ფარავდეს ამ სოფელსა და ქვეყანას“ - აღნიშნა სოზარ სუბარმა.