ქარელში, გორსა და საოკუპაციო ხაზთან ქარსაფარი ზოლები გაშენდა

26-02-2019

ქარსაფარი ზოლების აღდგენისა და გაშენებასთან დაკავშირებული პროექტის ფარგლებში, დასრულდა 25 კმ-იანი ქარსაფარი ზოლების გაშენება ქარელისა და გორის მუნიციპალიტეტებში (მათ შორის, საოკუპაციო ხაზის მიმდებარე სასოფლო-სამეურნეო სავარგულებისთვის). 

პროექტს 514 ბენეფიციარი ჰყავდა. მათ შორის 120 ქალი-ფერმერი. დაირგო 40 000-ზე მეტი ხე-მცენარე, რომელთაგან 20 000 ნერგი ფოტოდეგრადირებადი პლასტიკური ტუბით არის დაცული (საერთო ჯამში, 1 327,8 ჰექტარი). ასევე მოეწყო 2 მცირე ზომის სანერგე მეურნეობა ქალი ფერმერებისთვის, სადაც დაინერგა კონტეინერული წესით ნერგების გამოყვანა.