სამართლიანად ჩატარდა თუ არა არჩევნები
სენაკის საჯარო ბიბლიოთეკამ ზვიად გამსახურდიას 80 წლისთავისადმი მიძღვნილ კვირეულს უმასპინძლა
29-03-2019
დღეს სენაკში ჩვენი ქვეყნის უახლესი ისტორიის ორი უმნიშვნელოვანესი თარიღის - საქართველოს პირველი პრეზიდენტის დაბადებიდან 80 და ქვეყნის დამოუკიდებლობის აღდგენის საყოველთაო რეფერენდუმიდან 28-ე წლისთავისადმი მიძღვნილი კვირეული გაიხსნა.
კვირეულის პირველ დღეს ქალაქის საჯარო ბიბლიოთეკამ უმასპინძლა.
1991 წლის 31 მარტს საქართველოს პირველი პრეზიდენტის, ზვიად გამსახურდიას თაოსნობით ჩატარებულმა რეფერენდუმმა თვალსაჩინო გახადა ქართველი ხალხის ურყევი ნება საქართველოს სახელმწიფოებრიობის აღდგენის შესახებ.
,,დამოუკიდებლობა ერის ზნეობის გადარჩენაა და, ამდენად, თვით ერის გადარჩენაც“, - ამბობდა ამ ისტორიული მოვლენის ორგანიზატორი - საქართველოს პირველი პრეზიდენტი, ზვიად გამსახურდია, რომლის ღვაწლსა და ქვეყნისათვის თავდადებაზე ისაუბრეს დღეს საჯარო ბიბლიოთეკაში.
სენაკის მუნიციპალიტეტი აქტიურად ჩაერთო საქართველოს პირველი პრეზიდენტის დაბადებიდან 80 და ქვეყნის დამოუკიდებლობის აღდგენის საყოველთაო რეფერენდუმიდან 28-ე წლისთავისადმი მიძღვნილ კვირეულში, რომლის ფარგლებში დაგეგმილი ღონისძიებები 31 მარტს დასრულდება.
