გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    ნოემბერი 2020    »
 1
2345678
9101112131415
16171819202122
23242526272829
30 

კახა კალაძე: რაჭაში სტუმრობა ყველას გულში განსაკუთრებულ კვალს ტოვებს

9-10-2020

პოლიტიკური გაერთიანება „ქართული ოცნება-დემოკრატიული საქართველოს“ გენერალური მდივანი კახა კალაძე ამბროლაურში, ამბროლაურის, ონის, ცაგერის, მესტიისა და ლენტეხის მაჟორიტარი დეპუტატობის კანდიდატ, გოჩა ენუქიძის წარდგენაზე, სიტყვით გამოვიდა.

კალაძის გამოსვლის ტექსტს უცვლელად გთავაზობთ:

„არაერთხელ აღმინიშნავს, რომ ჩვენი ქვეყანა, მისი თითოეული კუთხე განსაკუთრებული და სხვებისგან გამორჩეულია. ამაში არაფერია უცნაური, თუმცა, ნამდვილად „უცნაურია“, რა თქმა უნდა, კარგი გაგებით, ის დამოკიდებულება და მიჯაჭვულობა, რაც ადამიანს რაჭის მიმართ უჩნდება, თუკი ერთხელ მაინც ეწვევა ამ ლამაზ და გულღია ხალხით დასახლებულ მხარეს, სადაც სტუმარ-მასპინძლობაც განსაკუთრებული იციან.

ხვანჭკარის არ იყოს, რაჭაში სტუმრობა ყველას გულში განსაკუთრებულ კვალს ტოვებს და ნამდვილად არ არის გასაკვირი, რომ საქართველოში ჩამოსული ტურისტები ასე მოიჩქარიან ამ საოცრების საკუთარი თვალით სანახავად და მდიდარი რაჭული გასტრონომიული კულტურის შესაცნობად.

სამწუხაროდ, არცთუ შორეულ წარსულში, ეს საოცარი მხარე ბედის ანაბარა იყო მიტოვებული. თუმცა, 2012 წლიდან, „ქართული ოცნების“ ხელისუფლებაში მოსვლის შემდეგ, დამეთანხმებით, რომ სიტუაცია მკვეთრად შეიცვალა უკეთესობისკენ და ამ დროიდან მოყოლებული, როგორც მთლიანად რაჭაში, ისე კონკრეტულად ამბროლაურის მუნიციპალიტეტში, ტურიზმის, მევენახეობის, თუ სხვა მიმართულებებით, არაერთი მნიშვნელოვანი პროექტი და პროგრამა განხორციელდა. განსაკუთრებული ყურადღება დაეთმო ინფრასტრუქტურის მოწესრიგებასა და დამატებითი სამუშაო ადგილების შექმნას, რაც საბოლოოდ, თითოეული თქვენგანის კეთილდღეობის ხარისხის ზრდისკენ არის მიმართული.

თქვენთან ერთად მიღწეული წარმატებების მიუხედავად, ჩვენ კიდევ მრავალი გამოწვევის წინაშე ვდგავართ, რომელთა დაძლევით არა მხოლოდ რაჭა და ამბროლაურის მუნიციპალიტეტი, არამედ მთელი საქართველო ბევრად უფრო წარმატებული და განვითარებული იქნება.

ყველას კარგად გვესმის, რომ ხელისუფლებისა და ხალხის ერთად დგომის გარეშე არაფერი გამოვა, რადგან მხოლოდ ერთიანი, ეფექტური ნაბიჯებით შევძლებთ, რომ თითოეული ჩვენგანისთვის, მთელი ქვეყნისთვის ხვალინდელი დღე ბევრად უკეთესი და წარმატებული იყოს.
ერთად საქართველოს წარმატებისთვის!“ , - განაცხადა კახა კალაძემ.