გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    თებერვალი 2020    »
 12
3456789
10111213141516
17181920212223
242526272829 

რუსთავში მცირეწლოვანი საცხოვრებელი კორპუსის მე-2 სართულიდან გადმოვარდა

30-08-2019

რუსთავში საცხოვრებელი კორპუსის მე-2 სართულის ფანჯრიდან 3 წლის ბიჭი გადმოვარდა. შემთხვევა თოდრიას ქუჩაზე მოხდა. 


როგორც კორპუსის მაცხოვრებლები აცხადებენ, მომხდრზე მას შემდეგ შეიტყვეს, რაც ქუჩიდან ყვირილის ხმა შემოესმათ და ამბის გასაგებად საცხოვრებელი სახლის ეზოში გავიდნენ.


"გარეთ რომ გამოვედი ბავშვს ასულიერებდნენ, კიბეზე წყალს ასხამდნენ", - განაცხადა დაშავებული მცირეწლოვანის მეზობელმა.


ადგილობრივების ინფორმაციითვე, უგონო მდგომარეობაში მყოფი ბიჭი ცენტრალურ გზაზე მოძრავი ავტომობილის მძღოლმა შენიშნა და მშობლებს დაშავებულის საავადმყოფოში გადაყვანაში დაეხმარა.


მეზობლებმა საინფორმაციო სააგენტო ინფო რუსთავთან საუბარში აღნიშნეს, რომ მშობლების ცნობით, ბავშვის მდგომარეობა სტაბილურია, თუმცა ის ჯერ კიდევ სამედიცინო დაწესებულებაშია მოთავსებული და ექიმების მეთვალყურეობის ქვეშ რჩება.


შემთხვევის ადგილზე მობილიზებული იყო საპატრულო პოლიციის ეკიპაჟი.


შსს-ს ინფორმაციით, მცირეწლოვანი თბილისის ერთ-ერთ კლინიკაშია მოთავსებული, საქმეზე კი გამოძიება დაწყებულია სსკ 124-ე მუხლით, რაც გაუფრთხილებლობით ჯანმრთელობის დაზიანებას გულისხმობს.



https://inforustavi.ge/