რაჭა-ლეჩხუმისა და ქვემო სვანეთის რეგიონის მასშტაბით სადეზინფექციო სამუშაოები მიმდინარეობს

17-09-2020

კორონავირუსის გავრცელების საპრევენციო ღონისძიებების ფარგლებში, ამბროლაურის, ლენტეხის, ონისა და ცაგერის მუნიციპალიტეტებში, სადეზინფექციო სამუშაოები აქტიურ ფაზაშია. დეზინფექცია უკვე ჩაუტარდა ცენტრალურ ქუჩებს, საზოგადოების თავშეყრის ადგილებს, ადმინისტრაციულ შენობებს, მაღაზიებისა და მომსახურების სხვა ობიექტების მიმდებარე ტერიტორიებს.

ამავდროულად, რეგიონში შემავალ მთავარ გზებზე განთავსდა 3 ბლოკპოსტი, სადაც მუნიციპალიტეტის მერიებისა და პოლიციის თანამშრომლების ჩართულობით, მიმდინარეობს რეგიონის ტერიტორიაზე შემსვლელ და რეგიონიდან გამომსვლელ მოქალაქეთა 24 საათიანი თერმოსკრინინგი. აღნიშნული პუნქტები განთავსებულია ამბროლაურის მუნიციპალიტეტში შაორის წყალსაცავის მიმდებარედ, ხოლო ცაგერის მუნიციპალიტეტში სოფ. ტვიშისა და გელავერის უღელტეხილის ტერიტორიებზე.

მაღალი ტემპერატურის დაფიქსირების შემთხვევაში მოხდება მოქალაქეთა გადაყვანა შესაბამის მუნიციპალურ ცენტრებში ე. წ. „პისიარ“ ტესტირებისთვის.