საგარეჯოსა და ყვარელში უპილოტო საფრენი აპარატების ჩამოვარდნასთან დაკავშირებით შსს განცხადებას ავრცელებს

7-10-2020

შინაგან საქმეთა სამინისტრო, კახეთში, საგარეჯოსა და ყვარლის მუნიციპალიტეტებში უპილოტო საფრენი აპარატების ჩამოვარდნასთან დაკავშირებით განცხადებას ავრცელებს, რომელსაც უცვლელად გთავაზობთ:

"შინაგან საქმეთა სამინისტროში კახეთში, საგარეჯოს მუნიციპალიტეტის სოფელ უდაბნოს და ყვარლის მუნიციპალიტეტის სოფელ სანავარდოს მიმდებარე ტერიტორიებზე უპილოტო საფრენი ორი აპარატის ჩამოვარდნის შესახებ შეტყობინება მიმდინარე წელს 7 ოქტომბერს, დაახლოებით 18:35 და 18:45 წუთებზე შემოვიდა.

შინაგან საქმეთა სამინისტრომ დაუყოვნებლივ დაიწყო საგამოძიებო ღონისძიებები.

მომხდარის შედეგად არავინ დაშავებულა.

შემთხვევის ორივე ადგილზე სამართალდამცველები არიან მობილიზებული, ექსპერტ-კრიმინალისტები ატარებენ შესაბამის ღონისძიებებს"-ნათქვამია განცხადებაში.