სამართლიანად ჩატარდა თუ არა არჩევნები
თუშეთში 9 ციხე-სოფელსა და ნასოფლარს ეროვნული კატეგორია განესაზღვრა
31-07-2018
ახმეტის მუნიციპალიტეტში,თუშეთში მდებარე ნასოფლარ გირევს და ასევე 9 ციხე-სოფელსა და ნასოფლარს 2018 წლის 10 ივლისს საქართველოს პრემიერ-მინისტრის მამუკა ბახტაძის შესაბამისი ბრძანებით ეროვნული კატეგორია განესაზღვრა. ამის შესახებ ინფორმაციას საქართველოს კულტურული მემკვიდრეობის სააგენტო ავრცელებს.
სოფელი გირევი მდებარეობს პირიქითი ალაზნის ხეობაში, აღმა თემში, სოფელ ომალოდან დაახლოებით 50 კმ-ზე, მდინარის მარცხენა ნაპირზე. ადრე სოფლის მოსახლეობას შეადგენდა შემდეგი გვარები: აზიკური, ხოსიკურიძე და შუარიძე.
სოფელი კომპაქტურადაა განაშენიანებული, შედგება სხვადასხვა დანიშნულების ორმოცამდე შენობისგან. მათი ნაწილი თავდაპირველი სახითაა შემორჩენილი, ნაწილი კი გადაკეთებულია და თუნუქის სახურავით არის გადახურული. სოფლის დასავლეთით, დაახლოებით1,5 კმ-ზე, გვიანდელი შუა საუკუნეების ხუთი კოშკია შემორჩენილი.
კოშკის ოთხივე ფასადზე, მესამე და მეოთხე სართულების დონეზე, ჭადრაკულად განლაგებული კვადრატული ნიშებით გამოყვანილი პატარა რომბებია. აღმოსავლეთ, დასავლეთ და ჩრდილოეთ ფასადებზე ოთხ-ოთხი ასეთი რომბია, სამხრეთ ფასადზე - სამი.
კოშკს საფეხურებიანი, პირამიდისებრი გადახურვა აქვს. კოშკი საყურადღებოა თავისი მხატვრულ-არქიტექტურული ნიშნებით. მას მინიჭებული აქვს ეროვნული მნიშვნელობის კატეგორიის კულტურის უძრავი ძეგლების სტატუსი.
დანარჩენი ნაგებობები დაზიანებულია.დანარჩენი ციხე-სახლებიდან ორი, თითქმის მთლიანადაა დანგრეული, მესამედან კი, რომელიც სამხრეთით, ყველაზე დაბალ ადგილზე დგას, დასავლეთი ნახევარია შემორჩენილი - სამი სართულის სიმაღლეზე.
