გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    მაი 2024    »
 12345
6789101112
13141516171819
20212223242526
2728293031 

წალენჯიხაში უკანონოდ მოპოვებული ფიცრის გადასატანი გზა აღმოაჩინეს წალენჯიხაში უკანონოდ მოპოვებული ფიცრის გადასატანი გზა აღმოაჩინეს

5-12-2017

გარემოსდაცვითი ზედამხედველობის დეპარტამენტის თანამშრომლებმა უკანონო ხე-ტყის ფარულად გადასატანი გზისა და კუსტარული მოწყობილობის დემონტაჟი მოახდინეს. დეპარტამენტის ინფორმაციით, წალენჯიხის მუნიციპალიტეტის დაბა ჯვარში, ე.წ. ხოკოს უბანში შემოვლითი გზა აღმოაჩინეს, რომლის საშუალებითაც უკანონოდ მოპოვებული ფიცრი გადაჰქონდათ.

„ბრაკონიერებს, სასაფლაოს გზის გამოყენებით, ტყის მიმართულებით აჰქონდათ უკანონოდ მოპოვებული ფიცარი, რომელსაც ადგილობრივი კერძო პირის საკუთრებაში არსებულ მიწის ნაკვეთზე ასაწყობებდნენ. ამის შემდეგ, ტყეში სპეციალურად მოწყობილი ხის კონსტრუქციის გამოყენებით ხდებოდა ფიცრების დაღმართზე დაშვება. დაახლოებით 40 მეტრი სიგრძის ხის კონსტრუქციის ბილიკი ისევ კერძო მესაკუთრის ტერიტორიაზე სრულდებოდა, საიდანაც ფიცრის ტრანსპორტირება უკვე ავტომობილების საშუალებით ხდებოდა.

ე.წ ხეკოს უბანში საგუშაგოა, რომელზეც ხე-ტყის კანონიერების შემოწმების მიზნით, სვანეთიდან გამომავალ სატრანსპორტო საშუალებებზე მუდმივი კონტროლი ხორციელდება. ამ მეთოდით ბრაკონიერები საგუშაგოს გვერდის ავლით, შემოვლითი გზით ახერხებდნენ ფიცრის გადატანას“, - განაცხადეს დეპარტამენტში.

მათივე ინფორმაციით, ამოღებულ იქნა 11 მ3-მდე ფიცარი. ფაქტთან დაკავშირებით აღძრულია სისხლის სამართლის საქმე და მიმდინარეობს გამოძიება.

წყარო: reginfo.ge