გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    მაი 2020    »
 123
45678910
11121314151617
18192021222324
25262728293031

ქობულეთში პოლიციის განყოფილების უფროსის მკვლელობაში ბრალდებულის განაჩენი 12 მარტს გამოცხადდება

11-03-2019

ქობულეთში, სოფელ მუხაესტატეს პოლიციის განყოფილების უფროსის, ბუტა ანთაძის მკვლელობაში ბრალდებულს შესაძლოა, სამუდამო პატიმრობა მიუსაჯონ. გადაწყვეტილება მოსამართლე გიორგი გრატიაშვილს დღეს უნდა გამოეცხადებინა, თუმცა ბრალდებულის საბოლოო სიტყვის მოსმენის შემდეგ, განაჩენის გამოცხადება ხვალისთვის გადადო.


პოლიციელის მკვლელობაში ბრალდებული ბესიკ ტაკიძის სასამართლო დარბაზში გამოჩენას ხმაური და დაძაბულობა მოჰყვა.

გარდაცვლილი პოლიციელის ოჯახი ბრალდებულისთვის უვადო პატიმრობის მისჯას ითხოვს. სასამართლოსთან დაძაბულობის თავიდან ასაცილებლად დღეს დიდი რაოდენობით სამართალდამცველი იყო მობილიზებული.


ბესიკ ტაკიძეს გამოძიება სამსახურებრივი მოვალეობის შესრულების დროს პოლიციელის განზრახ მკვლელობას ედავება, რაც 20 წლამდე თავისუფლების აღკვეთას, ან უვადო პატიმრობას ითვალისწინებს.

შემთხვევა გასული წლის ზაფხულში მოხდა. გამოძიების ინფორმაციით, 15 ივნისს, ღამით სოფელ მუხაესტატეში ბესიკ ტაკიძემ პოლიციის განყოფილების უფროს ბუტა ანთაძეს ზურგის არეში დანით სასიკვდილო ჭრილობა მიაყენა. შემთხვევის შემდეგ ბრალდებულის ახლობლები აცხადებდნენ, რომ პოლიციელთან ტაკიძეს წლების განმავლობაში კონფლიქტი ჰქონდა.


პირველი არხი