განათლების მინისტრი ტყიბულსა და თერჯოლაში დღეს შეხვედრებს გამართავს

14-06-2019

დღეს საქართველოს განათლების, მეცნიერების, კულტურისა და სპორტის მინისტრი მიხეილ ბატიაშვილი 2018-2019 სასწავლო წლის დასრულების დღეს, ტყიბულისა და თერჯოლის სკოლების დამსახურებულ პედაგოგებსა და წარჩინებულ მოსწავლეებს შეხვდება და განათლების კომპლექსური რეფორმის დეტალებს გააცნობს.

ღონისძიებას საქართველოს პარლამენტის განათლების, მეცნიერებისა და კულტურის კომიტეტის თავმჯდომარე მარიამ ჯაში, რეგიონული განვითარების საკითხებში პრემიერ-მინისტრის მრჩეველი სოზარ სუბარი და ტყიბულისა და თერჯოლის მაჟორიტარი დეპუტატი ელგუჯა გოცირიძე დაესწრებიან.