სამართლიანად ჩატარდა თუ არა არჩევნები
ქეთევან ციხელაშვილი: სხვა საკითხებზე მსჯელობა გაგრძელდება ერგნეთში, ტექნიკურ შეხვედრაზე
30-08-2019
საქართველოს სახელმწიფო მინისტრი შერიგებისა და სამოქალაქო თანასწორობის საკითხებში, ქეთევან ციხელაშვილი სოფელ ჩორჩანას სიახლოვეს განვითარებულ მოვლენებს ეხმაურბა და საკითხთან დაკავშირებით კომენტარს აკეთებს.
ქეთევან ციხელაშვილის თქმით, მთავარი შედეგი ის არის, რომ მოლაპარაკების მონაწილეები დეესკალაციაზე შეთანხმდნენ.
"მთავარი შედეგი ის გახლავთ, რომ შეთანხმდნენ მონაწილეები დეესკალაციაზე. ეს მნიშვნელოვანია, შეხვედრა კონსტრუქციულ გარემოში წარიმართა.
მნიშვნელოვანი არის ის, რომ დეტალებზე მსჯელობა ისევ გრძელდება. დღეს მთავარი აქცენტი დაძაბულობის განმუხტვაზე იყო", - აღნიშნა ქეთევან ციხელაშვილმა.
მისივე თქმით, სხვა საკითხებზე მსჯელობა გაგრძელდება ერგნეთში, ტექნიკურ შეხვედრაზე.
"ჩვენთვის ყველა ნაბიჯით მნიშვნელოვანია უსაფრთხო გარემოს შექმნა როგორც ერთ მხარეს, ისე მეორე მხარეს მცხოვრებთათვის", - განაცხადა ქეთევან ციხელაშვილმა.
