გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    თებერვალი 2020    »
 12
3456789
10111213141516
17181920212223
242526272829 

ვინ დაიკავებს ბიზნესომბუდსმენის პოსტს?

11-11-2019

ბიზნესომბუდსმენის თანამდებობაზე ირაკლი ლექვინაძეს სავარაუდოდ, შსს-ს მაღალჩინოსანი მიხეილ დაუშვილი შეცვლის. ინფორმაცია ამის შესახებ ტაბულა ავრცელებს. დაუშვილი შსს-ს საინფორმაციო-ანალიტიკური დეპარტამენტის დირექტორია.

ლექვინაძემ დღეს, წასვლის შესახებ ინფორმაცია, სოციალურ ქსელში დაწერა.

აღსანიშნავია, რომ ბიზნესომბუდსმენს პრემიერმინისტრი ნიშნავს.

ირაკლი ლექვინაძემდე ბიზნესომბუდსმენის თანამდებობას გიორგი გახარია იკავებდა.

 

მიხეილ დაუშვილი, 2008-2012 წლებში, კავკასიის უნივერსიტეტის სამართლის სკოლაში სწავლობდა. მას სამართალმცოდნის ბაკალავრის ხარისხი მიენიჭა. 2012-2014 წლებში კი სწავლობდა ილიას სახელმწიფო უნივერსიტეტში ბიზნეს სამართლის მიმართულებით და სამართალმცოდნის მაგისტრის ხარისხი აქვს მინიჭებული.

2018 წლის მაისიდან ამ დრომდე შინაგან საქმეთა სამინისტროს საინფორმაციო-ანალიტიკური დეპარტამენტის დირექტორის მოადგილე იყო. 2018 წლის იანვრიდან აპრილის ჩათვლით კი იყო შინაგან საქმეთა სამინისტროს ადმინისტრაციის დირექტორის მოადგილე.

2017 წლის მაისიდან - დეკემბრამდე მას ეკავა სახელმწიფო ქონების ეროვნული სააგენტოს თავმჯდომარის პირველი მოადგილის პოზიცია. ხოლო, 2016-2017 წლებში იგი საქართველოს ეკონომიკის სამინისტროს იურიდიული დეპარტამენტის პარლამენტთან ურთიერთობის სამმართველოს უფროსი იყო.

2015-2016 წლებში მიხეილ დაუშვილი მუშაობდა ეკონომიკური საბჭოს აპარატში სამართლებრივი მრჩევლის პოზიციაზე. 2010-2015 წლებში საქმიანობდა კერძო და არასამთავრობო სექტორში. ხოლო, 2015 წლიდან არის მოწვეული ლექტორი საჯარო და კერძო უნივერსიტეტებში.

აღსანიშნავია, რომ 2013 წლიდან მიხეილ დაუშვილი არის საქართველოს ახალგაზრდა იურისტთა ასოციაციის გამგეობის წევრი. მას მონაწილეობა აქვს მიღებული სხვადასხვა საერთაშორისო და ადგილობრივ კონფერენციასა და სასწავლო ვიზიტში.

alia