სამართლიანად ჩატარდა თუ არა არჩევნები
საქართველოს ფინანსთა სამინისტროს საგამოძიებო სამსახურის თანამშრომლებმა შიდა ქართლში კონფლიქტის ზონაში მცხოვრებ ოჯახებს ახალი წელი მიულოცეს
14-01-2020
საქართველოს ფინანსთა სამინისტროს საგამოძიებო სამსახურის თანამშრომლებმა, შიდა ქართლში, კონფლიქტის ზონაში მდებარე სოფლებში: გუგუტიანთკარში, ზარდიაანთკარსა და კოშკაში მცხოვრებ სოციალურად დაუცველ და მრავალშვილიან ოჯახებს, შობა-ახალი წელი მიულოცეს და საახალწლო ნობათი, ავეჯი, სამოსი და პირველადი მოხმარების ნივთები გადასცეს.
უწყების თანამშრომელთა სახელით, მრავალშვილიან ოჯახებს, საგამოძიებო სამსახურის უფროსი - სოსო რამიშვილი კოლეგებთან ერთად ეწვია და საჩუქრები გადასცა.
საგამოძიებო უწყების თანამშრომლებთან ერთად, სოციალურად დაუცველ და მრავალშვილიან ოჯახებს საახალწლო დღესასწაულები შიდა ქართლის სამხარეო რწმუნებულმა გიორგი ხოჯევანიშვილმა და სახელმწიფო რწმუნებულის ადმინისტრაციის წარმომადგენლებმაც მიულოცეს.
საგამოძიებო სამსახურის თანამშრომელთა საქველმოქმედო, სოციალური აქციები რეგულარულ სახეს ატარებს. სახელმწიფო უწყების თანამშრომლები ცდილობენ შეჭირვებულ და სოციალურად დაუცველ ოჯახებს მცირედით მაინც შეუმსუბუქონ საყოფაცხოვრებო პირობები და საახალწლო განწყობა შეუქმნან თანამოქალაქეებს.
