სამართლიანად ჩატარდა თუ არა არჩევნები
ირაკლი ღარიბაშვილი: დევიდ მარია სასოლისთან ჩვენი ღირებულებებზე დაფუძნებული პარტნიორობის გაღრმავების პერსპექტივები განვიხილეთ
30-11-2021
საქართველოს პრემიერ-მინისტრი ირაკლი ღარიბაშვილი ასოცირებული ტრიოს ფორმატში ევროპარლამენტის პრეზიდენტ დევიდ მარია სასოლისთან გამართულ შეხვედრას სოციალურ ქსელ „ტვიტერში" ეხმაურება.
საქართველოს მთავრობის მეთაური წერს, რომ ასოცირებული ტრიოს ლიდერებმა ევროპარლამენტის პრეზიდენტთან ღირებულებებზე დაფუძნებული პარტნიორობის გაღრმავების პერსპექტივები განიხილეს.
ირაკლი ღარიბაშვილი ევროპარლამენტს საქართველოს, უკრაინისა და მოლდოვას ევროპული მისწრაფებების, სუვერენიტეტისა და ტერიტორიული მთლიანობის მტკიცე მხარდაჭერისთვის მადლობას უხდის.
„ჩემს უკრაინელ და მოლდოველ კოლეგებთან ერთად ევროპარლამენტის პრეზიდენტს შევხვდი. განვიხილეთ ევროპარლამენტთან ჩვენი ღირებულებებზე დაფუძნებული პარტნიორობის გაღრმავების პერსპექტივები. მადლობას ვუხდი ევროპარლამენტს ასოცირებული ტრიოს ქვეყნების ევროპული მისწრაფებების, სუვერენიტეტისა და ტერიტორიული მთლიანობის მტკიცე მხარდაჭერისთვის",- წერს ირაკლი ღარიბაშვილი.
