გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    აგვისტო 2022    »
1234567
891011121314
15161718192021
22232425262728
293031 

„საქართველოს ეკლესიის წინამძღვრები" - ეროვნულ არქივში გამოფენა გაიხსნა

24-05-2022

საქართველოს იუსტიციის სამინისტროს ეროვნული არქივის საგამოფენო პავილიონი დღეიდან საქართველოს მართლმადიდებელი ეკლესიის ავტოკეფალიის აღდგენის 105 წლისადმი მიძღვნილ საიუბილეო გამოფენას მასპინძლობს.


ექსპოზიციაზე "საქართველოს ეკლესიის წინამძღვრები" დამთვალიერებელი იხილავს საქართველოს ეკლესიის პირველი მამამთავრების, კათოლიკოსებისა და კათოლიკოს-პატრიარქების მოღვაწეობის ამსახველ მასალას, ეროვნულ არქივში დაცულ ისტორიულ საბუთებს, ხელნაწერებს, ფოტო და სხვა საარქივო დოკუმენტებს; ასევე პატრიარქების მემორიალურ ნივთებს, რომლებიც სხვადასხვა კეძრო კოლექციაშია დაცული.


ექსპონატები საქართველოს ეკლესიის ავტოკეფალიის გრძელ და რთულ გზას ასახავს. გამოფენა იუსტიციის მინისტრის მოადგილე ბუბა ლომუაშვილმა 24-ე საჯარო სკოლის მოსწავლეებთან ერთად დაათვალიერა.


ღონისძიებას საქართველოს საპატრიარქოს, სამეცნიერო ორგანიზაციებისა და დიპლომატიური კორპუსის წარმომადგენლები დაესწრნენ. ეროვნული არქივის საგამოფენო პავილიონში ექსპოზიცია 22 ივნისამდე გაგრძელდება. დასწრება თავისუფალია. გამოფენის კურატორი – ქეთევან ასათიანი.