ბათუმში მეზღვაურთა საერთაშორისო დღე აღინიშნება

25-06-2023

დღეს, 25 ივნისს 09:00 საათიდან 11:00 საათამდე ბათუმში გადაიკეტება შოთა რუსთაველის გამზირი. მეზღვაურთა საერთაშორისო დღისადმი მიძღვნილი ღონისძიებების ფარგლებში, ბათუმის სახელმწიფო საზღვაო აკდემიიდან ნავმისადგომისკენ დაიწყება აკადემიის სტუდენტთა მსვლელობა სასულე ორკესტრის თანხლებით. 

საქართველო, სხვა საზღვაო ქვეყნებთან ერთად, 2011 წლიდან სხვადასხვა ღონისძიებებით აღნიშნავს მეზღვაურთა საერთაშორისო დღეს, რომლის ძირითადი ორგანიზატორი ეკონომიკის სამინისტროს საზღვაო ტრანსპორტის სააგენტოა.

11:00 საათზე, ნავმისადგომზე გაიმართება საზეიმო ცერემონია. ღონისძიების ფარგლებში საზღვაო დარგის განვითარებაში შეტანილი განსაკუთრებული წვლილისათვის და ზღვაზე გამოჩენილი განსაკუთრებული სიმამაცისათვის, მამა ილია კარტოზიას ჯილდოს გადასცემენ საზღვაო პროფესიის წარმომადგენლებს.