სენაკის მერია მოსახლეობისგან სასურველი პროექტების დასაფინანსებლად მოსაზრებებს ისმენს

28-02-2019

,,სოფლის მხარდაჭერის პროგრამის“ ფარგლებში, საქართველოს მთავრობის გადაწყვეტილებით, დამატებით გამოყოფილი თანხით დასაფინანსებელი პროექტების შერჩევასთან დაკავშირებით, მოსახლეობასთან საერთო კრებების/კონსულტაციების მეორე ეტაპი გრძელდება.

სენაკის მუნიციპალიტეტის მენჯის, ხორშის, ეკის, უშაფათისა და ზანის ადმინისტრაციულ ერთეულებში გამართულ საერთო კრებებს/კონსულტაციებს მერიის ადმინისტრაციული სამსახურის ადმინისტრაციულ ერთეულებში საქმიანობის კოორდინაციის განყოფილების უფროსი დალი შონია, მერიის სივრცითი მოწყობისა და ინფრასტრუქტურის სამსახურისა და ადგილობრივი თვითმმართველობის წარმომადგენლები, მენჯის, ხორშის, ეკის, უშაფათისა და ზანის მაცხოვრებლები დაესწრნენ.

10 ადმინისტრაციულ ერთეულში დამატებით დასაფინანსებელი პროექტები უკვე შერჩეულია.

მოსახლეობა თავად ირჩევს სოფლის პრიორიტეტებს, რითაც ცენტრალურ და ადგილობრივ ხელისუფლებასთან ერთად აქტიურად მონაწილეობს სოფლის განვითარების უმნიშვნელოვანეს პროცესებში.