ნათია კაპანაძეს შუამდგომლობის დაკმაყოფილებაზე უარი უთხრეს

4-05-2019

მოსამართლე ჯუმბერ ბეჟანიძემ აჭარის საზოგადოებრივი მაუწყებლის ტელევიზიისა და რადიოს ყოფილი დირექტორის, ნათია კაპანაძის შუამდგომლობა, გამოცხადებული დირექტორის კონკურსი დავის დასრულებამდე შეჩერებულიყო, არ დააკმაყოფილა.

ნათია კაპანაძემ ბათუმის საქალაქო სასამართლოს 30 აპრილს მიმართა.

ტელევიზიისა და რადიოს ყოფილი დირექტორი მრჩეველთა საბჭოს მიერ 19 აპრილს მიღებულ გადაწყვეტილებას ასაჩივრებს, რომლის მიხედვითაც მას უნდობლობა გამოუცხადეს.