სამართლიანად ჩატარდა თუ არა არჩევნები
სტიქიის შედეგად დაზარალებულ რამდენიმე ლოკაციაზე დაშრობითი სამუშაოები მიმდინარეობს
7-05-2019
გარემოს დაცვისა და სოფლის მეურნეობის სამინისტროს შპს "საქართველოს მელიორაცია"აქტიურად არის ჩართული სტიქიით გამოწვეულ სალიკვიდაციო სამუშაოებში.
თელავის, საგარეჯოს, ყვარლისა და ლაგოდეხის მუნიციპალიტეტებში მესამე დღეა მძიმე ტექნიკა მუშაობს, სადაც ძლიერი წვიმის შედეგად ადიდებულმა მდინარეებმა მიმდებარე ტერიტორიები დატბორა.
სამდღიანი მუშაობის შედეგად, საგარეჯოს მუნიციპალიტეტში უხვი ნალექისგან დაგროვილი შლამისგან გაიწმინდა ანთოკისხევი, ლაგოდეხში მოწესრიგდა სოფელ მაწიმის და ჭიაურის სავარგულები; სტიქიით გამოწვეული სალიკვიდაციო სამუშაოები ჩატარდა თელავის მუნიციპალიტეტის სოფელ კურდღელაურსა და ფშაველში; ასევე, ყვარელში წვიმის შედეგად ადიდებული მდინარე დურუჯის მიმდებარე ტერიტორია გაიწმინდა და მოწესრიგდა.
ამ დროისთვის ძირითადი სამუშაოები დასრულებულია; მხოლოდ რამდენიმე ლოკაციაზე დაშრობითი სამუშაოები მიმდინარეობს.
