პრესის მიმოხილვა
გამოკითხვა
სამართლიანად ჩატარდა თუ არა არჩევნები
ჭუბერში მდინარემ საავტომობილო ხიდი დააზიანა
7-06-2019
მესტიის მუნიციპალიტეტში, ჭუბერის თემში მდინარე დევრულა ადიდდა, რის შედეგადაც სოფელ ყარს-გურიშთან დამაკავშირებელი საავტომობილო ხიდი დაზიანდა.
საკრებულოში სოფლის მაჟორიტარმა ზაზა ვიბლიანმა აღნიშნა, რომ შემთხვევა გუშინ საღამოს მოხდა, თუმცა, ამ დროისთვის წყლის დინებამ იკლო.
მისივე ინფორმაციით, ხიდზე ავტომანქანით გავლა შეუძლებელია, თუმცა ფეხით მოსიარულეები გადაადგილებას შეძლებენ.
ვიბლიანის თქმით, კომისია ზარალს უკვე სწავლობს.
ადგილობრივები ამბობენ, რომ ამ ეტაპზე იმ ადგილებზე, სადაც დატბორვის საფრთხეა, შესაბამისი სამუშაოები მიმდინარეობს.
"თუ კიდევ იწვიმა, საფრთხე აშკარა იქნება", - ამბობენ ჭუბერელები.
