მცხეთაში მაშველებმა შვიდი მოქალაქე ქსნის ციხიდან ჩამოიყვანეს

9-06-2019

შინაგან საქმეთა სამინისტროს გადაუდებელი დახმარების ოპერატიულ მართვის ცენტრ - „112“-ში შევიდა შეტყობინება, რომ მცხეთაში, ქსნის ციხეზე ასული მოქალაქეები ძლიერი წვიმის გამო უსაფრთხო ადგილზე ჩამოსვლას ვერ ახერხებდნენ. დახმარება შვიდ ახალგაზრდას სჭირდებოდა.

შეტყობინების შემოსვლიდან უმოკლეს დროში ადგილზე გამოცხადდა სამშველო ეკიპაჟი.

ახალგაზრდების ქსნის ციხიდან ჩამოყვანას ძლიერი წვიმა და რთული რელიეფი ართულებდა.

ამ დროისთვის ყველა მათგანი უვნებლად არის და თავს კარგად გრძნობს.