სამართლიანად ჩატარდა თუ არა არჩევნები
აფხაზურმა მხარემ კიდევ ერთი საქართველოს მოქალაქე გაათავისუფლა
29-12-2017
რუსეთის უსაფრთხოების ფედერალური სამსახურის მიერ მიმდინარე წელს აფხაზეთის ე.წ საზღვრის უკანონო გადაკვეთისთვის დაკავებული მანუჩარ წვიშბაია გაათავისუფლეს. ინციდენტების პრევენციისა და მათზე რეაგირების სამუშაო შეხვედრაზე ქართულმა მხარემ მისი გათავისუფლების შესახებ საკითხი არაერთხელ დააყენა. წვიშბაია გათავისუფლებას სახელმწიფო უსაფრთხოების სამსახურში ადასტურებენ.
ე.წ. სასაზღვრო სამმართველოს განცხადების მიხედვით, საქართველოს მოქალაქეს აფხაზეთის რესპუბლიკის სახელმწიფო საზღვრის გადაკვეთისთვის საჭირო საბუთები არ გააჩნდა და მიზანმიმართულად დაარღვია საზღვარი საქართველოდან აფხაზეთში გამშვები პუნქტების გვერდის ავლით.
რამდენიმე დღის წინ დრანდის ციხიდან, თითქმის, შვიდწლიანი პატიმრობის შემდეგ, გიორგი ლუკავაც გათავისუფლდა. მას 20 წლით თავისუფლების აღკვეთა ჰქონდა მისჯილი.
წყარო: რადიო "ათინათი"
