სამართლიანად ჩატარდა თუ არა არჩევნები
ბათუმში მიკროავტობუსით მგზავრობის ტარიფები 10 თეთრით გაიზარდა
18-01-2018
ბათუმის საკრებულოს გადაწყვეტილებით, მიკროავტობუსით მგზავრობის ტარიფები 10 თეთრი გაიზარდა და 40 თეთრის ნაცვლად, 50 თეთრი გახდა. საკითხს საკრებულოს ოპოზიციამ მხარი არ დაუჭირა. მათი განცხადებით, რეგიონში მძიმე სოციალური მდგომარეობაა და მოსახლეობა გაზრდილ სამგზავრო ტარიფს ვერ გადაიხდის.
"შეიძლება 10 თეთრი ჩვენთვის არაფერია, მაგრამ მოქალაქეები ვერ გადაიხდიან. მძიმე სოციალური ფონია. სწორედ ამ ადამიანების ჯიბიდან ვიღებთ ხელფასს",- აცხადებს "ნაციონალური მოძრაობის" დეპუტატი მირდატ ქამადაძე.
ბათუმში სამგზავრო ტარიფის გაზრდას 14 დეპუტატმა მხარი დაუჭირა, ხოლო 6 დეპუტატი წინააღმდეგი იყო.
ამ დროისთვის ბათუმის საკრებულოში დეპუტატები ბათუმის მერიის პოლიტიკური თანამდებობის პირების და საჯარო მოხელეების თანამდებობრივი სარგოების, ასევე საშტატო ნუსხის დამტკიცების შესახებ მსჯელობენ.
