სამართლიანად ჩატარდა თუ არა არჩევნები
საფრანგეთის საერთაშორისო გამოფენაზე ქართული ღვინის 12 კომპანია იყო წარმოდგენილი
19-11-2019
საფრანგეთის ქალაქ მარსელში, ღვინისა და გასტრონომიის ყოველწლიური ფესტივალი „Salon Savim Automne“ გაიმართა, რომელზეც ღვინის ეროვნული სააგენტოს მხარდაჭერითა და სააგენტოს კონტრაქტორი კომპანია ”LE PONT CAUCASIEN“-ის ორგანიზებით, საქართველოდან ღვინის 12 მარნის პროდუქცია იყო წარმოდგენილი.
„Salon Savim Automne“, თავისი 30 წლიანი ისტორიით, საფრანგეთში ერთ-ერთ პრესტიჟულ ღონისძიებად ითვლება, სადაც უმაღლესი ხარისხის პროდუქციაა წარმოდგენილი.
ფესტივალს სტუმრობენ როგორც ღვინის იმპორტიორები და კომერციული პირები, ასევე ღვინის მომხმარებლები მსოფლიოს სხვადასხვა ქვეყნიდან. ფესტივალის მონაწილე ღვინის კომპანიებიც მსოფლიოს სხვადასხვა ქვეყანას წარმოადგენენ, ჯამში ღონისძიებას 100 ათასამდე ვიზიტორი სტუმრობს.
ღვინის ეროვნული სააგენტოს ინფორმაციით, საფრანგეთში ქართული ღვინის მიმართ, განსაკუთრებით ქვევრის ღვინის მიმართ ინტერესი ბოლო წლებში მზარდია.
