"ქართული ოცნების" ახალციხის ორგანიზაციის თავმჯდომარის, გიორგი გვარამაძის თქმით, აქციაზე გამგზავრების სურვილი რეგიონში დაახლოებით, 10 000 ადამიანმა გამოთქვა. მათ შორის არიან სტუდენტებიც.
მათი ნაწილი ამბობს, რომ თბილისში საკუთარი სურვილით მიდის. სკოლის პედაგოგები, ბაღის მასწავლებლები და საჯარო სამსახურის თანამშრომლების ნაწილი კი პირად საუბრებში აღნიშნავს, რომ აქციაზე წასვლას აიძულებენ, წინააღმდეგ შენთხვევაში სამსახურიდან გათავისუფლებით ემუქრებიან.
"ჩვენ მხოლოდ ტრანსპორტის ორგანიზებას ვაკეთებთ. მოსახლეობის წაყვანას ზეწოლით არავინ ცდილობს. ოპოზიცია დესტრუქციული ძალებით ცდილობს მოსახლეობის შეცდომაში შეყვანას. თუ ფიქრობენ, რომ ზეწოლით ხდება, მაშინ დამადასტურებელი ფაქტები წარმოადგინონ", - აცხადებს გიორგი გვარამაძე.
