საქართველოს პრეზიდენტი იმედს გამოთქვამს, რომ ვაჟა გაფრინდაშვილი საახალწოდ გათავისუფლდება.
„ყველა კონტაქტი, რაც გამაჩნია, გამოვიყენე იმისათვის, რომ ძალიან აქტიურად მოვითხოვოთ საერთაშორისო თანამეგობრობის ჩართულობა ამ საქმეში. ეს არის ჩვენი რეალური ბერკეტი, რომ ეს გამოვიყენოთ და მათ იმოქმედონ ჩვენთვის. ძალიან სამწუხაროა, რომ ექიმის გათავისუფლების შედეგს აქამდე ვერ მივაღწიეთ. ძალიან დიდი იმედი მაქვს, საახალწლოდ, შობის პერიოდში მაინც მოხერხდება ეს. მინდა ვაჟა გაფრინდაშვილის ოჯახს მხნეობა ვუსურვო“, - აღნიშნა სალომე ზურაბიშვილმა.
ცნობისთვის, 1 თვეზე მეტი გავიდა, რაც ექიმი ვაჟა გაფრინდაშვილი უკანონო ტყვეობაში იმყოფება.
