სამართლიანად ჩატარდა თუ არა არჩევნები
ვაჟა გაფრინდაშვილის მხარდამჭერ აქციას ადვოკატები სხვადასხვა ქალაქიდან შეუერთდნენ
19-12-2019
ექიმ ვაჟა გაფრინდაშვილის გათავისუფლების მოთხოვნით საქართველოს ადვოკატთა ასოციაციის აქციას რეგიონებიდან ადვოკატებმა სოლიდარობა გამოუცხადეს. მხარდამჭერი აქციები პარალელურად გაიმართა ქუთაისში, თელავსა და ახალციხეში.
„ჩვენ აქ ვდგავართ და ვუერთდებით ჩვენს კოლეგებს, რათა ერთხმად ვაღიაროთ, რომ ექიმისთვის საზღვრები არ არსებობს“,- ამბობენ “რეგიონულ კვირასთან” ადვოკატები.
შეგახსენებთ, რომ თბილისის ცენტრალური საავადმყოფოს ტრავმატოლოგ-ორთოპედი ვაჟა გაფრინდაშვილი საოკუპაციო ძალების წარმომადგენლებმა ცხრა ნოემბერს დააკავეს. მას დე ფაქტო რეჟიმი ე.წ საზღვრის გადაკვეთას ედავება. მას შემდეგ, რაც ცხინვალის დე-ფაქტო სასამართლომ ვაჟა გაფრინდაშვილს ორთვიანი პატიმრობა შეუფარდა, საქართველოს პრეზიდენტმა საერთაშორისო ორგანიზაციებს მიმართა. ექიმის მხარდასაჭერად განცხადება გაავრცელა აშშ-ს საელჩომაც.
22 ნოემბერს ვაჟა გაფრინდაშვილის უკანონო დაკავების თაობაზე იმსჯელეს ეუთოს მუდმივი საბჭოს სხდომაზეც. ასევე დედაქალაქსა და საქართველოს ყველა რეგიონში ვაჟა გაფრინდაშვილის გათავისუფლების მოთხოვნით „თეთრი ხალათების აქცია“ გაიმართა.
