,,სოხუმსა და თბილისს შორის ურთიერთობები უნდა დალაგდეს“-სერგეი შამბა

13-01-2020

ოკუპირებული აფხაზეთის ყოფილი დე ფაქტო პრემიერ-მინისტრი, სერგეი შამბა აცხადებს, რომ თბილისსა და ოკუპირებულ აფხაზეთს შორის დიალოგი უნდა დაიწყოს.

მისივე თქმით, უნდა დალაგდეს ურთიერთობები თბილისსა და სოხუმს შორის. ეს განცხადება შამბამ „მთავართან“ სატელეფონო ინტერვიუში გააკეთა.

„საჭიროა დიალოგის დაწყება, რომ დალაგდეს ნორმალური ურთიერთობები. მე ამის მომხრე ვარ, იმის ნაცვლად, რომ გაგრძელდეს კონფრონტაცია, როგრიც დღესაა.
უნდა დავსხდეთ და დავიწყოთ საუბარი სხვდასხვა ფორმით, მხოლოდ სოხუმმა და თბილისმა“ - განაცხდა სერგეი შამბამ.