სამართლიანად ჩატარდა თუ არა არჩევნები
აჭარის ტელევიზიის თანამშრომელთა ნაწილმა გაფიცვის გადაწყვეტილება მიიღო
26-02-2020
აჭარის ტელევიზიის თანამშრომელთა ნაწილი გაფიცვის გადაწყვეტილებას ძალაში ტოვებს. ტელევიზიის ალტერნატიული პროფკავშირი მოთხოვნების დოკუმენტზე მუშაობს და მენეჯმენტს ოფიციალურად დღეს მიმართავს.
მთავარი მოთხოვნა შრომითი უფლებების დაცვა და სარედაქციო დამოუკიდებლობის გარანტიებია. ჟურნალისტები ამბობენ, რომ კანონის ფარგლებში მიმართავენ რადიკალურ ზომებს, გამართავენ აქციებს და მოაწყობენ სირცხვილის დერეფანს.
გაფიცვის საფუძველს ვერ ხედავს ტელევიზიის დირექტორი.
25 თებერვალს აჭარის საზოგადოებრივი მაუწყებელი კიდევ ერთმა ჟურნალისტმა პროტესტის ნიშნად დატოვა. თბილისის ბიუროს რეპორტიორის ნინო ხოზრევანიძის განცხადება, გათავისუფლების შესახებ დირექტორმა უკვე დააკმაყოფილა.
გუშინვე ცნობილი გახდა, რომ აჭარის ტელევიზიის თანამშრომელთა ნაწილი გაფიცვას გაგმავდა.
